មុខសញ្ញាប្រើប្រាស់គ្រឿងញៀន២នាក់ត្រូវនគរបាលឃាត់ខ្លួន
19-April-2018 | ដោយ ពលមនសិការ
ភ្នំពេញ ៖ ជនសង្ស័យ២នាក់ត្រូវនគរបាលឃាត់ខ្លួនពាក់ព័ន្ធករណីប្រើប្រាស់គ្រឿង២ករណី។ លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានឱ្យដឹងថាករណីទី១៖កាលពីថ្ងៃទី១៨ ខែមេសា ឆ្នាំ២០១៨ វេលាម៉ោង១៨និង៣០នាទី ប៉ុស្តិ៍រដ្ឋបាលទឹកថ្លា ឃាត់ខ្លួនជនសង្ស័យម្នាក់ ករណីប្រើប្រាស់គ្រឿងញៀន នៅចំណុចផ្ទះលេខ២០៦ ផ្លូវលំ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
ជនសង្ស័យឈ្មោះ កង សារ៉ាវុធ ភេទប្រុស អាយុ៣១ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
លោកអធិការខណ្ឌបានឱ្យដឹងថាមុនពេលឃាត់ខ្លួនជនសង្ស័យ កម្លាំងប៉ុស្តិ៍រដ្ឋបាលទឹកថ្លា បានទទួលព័ត៌មានពីប្រជាពលរដ្ឋថា នៅចំណុចកើតហេតុខាងលើ មានជនសង្ស័យម្នាក់ កំពុងប្រើប្រាស់គ្រឿងញៀន ក្រោយពីទទួលព័ត៌មានបាន កម្លាំងប៉ុស្តិ៍ទឹកថ្លាបានចុះដល់ចំណុចកើតហេតុ ធ្វើការត្រួតពិនិត្យ រួចនាំខ្លួនជនសង្ស័យ មកធ្វើការសាកសួរ និងត្រួតពិនិត្យទឹកនោមរកសាធាតុញៀន នៅអធិការដ្ឋាននគរបាលខណ្ឌសែនសុខ។
ករណីទី២៖នៅថ្ងៃទី១៨ ខែមេសា ឆ្នាំ២០១៨ វេលាម៉ោង១៨និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យម្នាក់ ករណីប្រើប្រាស់គ្រឿងញៀន នៅចំណុចបូរីពិភពថ្មីសែនសុខផ្ទះលេខ១៥៤ ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
ជនសង្ស័យម្នាក់ឈ្មោះ ប្រាសាន (PHOWISET PRASAN) ផូវីសិត ភេទប្រុស អាយុ៣៨ឆ្នាំ ជនជាតិថៃ មុខរបរកម្មករ ស្នាក់នៅផ្ទះជួលលេខ១៥៤ ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ (កាន់លិខិតឆ្លងដែនលេខ AA4761824។ សម្ភារៈដកហូត៖លិខតឆ្លងដែនចំនួន០១ក្បាល និងឧបករណ៍កែច្នៃជក់គ្រឿងញៀន០១ឈុត។
លោកអធិការខណ្ឌបន្តថាមុនពេលឃាត់ខ្លួនជនសង្ស័យខាងលើកម្លាំង ប៉ុស្តិ៍រដ្ឋបាលភ្នំពេញថ្មី បានទទួលព័ត៌មានពីប្រជាពលរដ្ឋថា នៅចំណុចកើតហេតុខាងលើ មានជនសង្ស័យម្នាក់ កំពុងប្រើប្រាស់គ្រឿងញៀន ក្រោយពីទទួលព័ត៌មានបាន កម្លាំងប៉ុស្តិ៍ភ្នំពេញថ្មី បានចុះដល់ចំណុចកើតហេតុ ធ្វើការត្រួតពិនិត្យ រួចនាំខ្លួនជនសង្ស័យ រួមទាំងវត្ថុតាង មកធ្វើការសាកសួរ និងត្រួតពិនិត្យទឹកនោមរកសាធាតុញៀន នៅអធិការដ្ឋាននគរបាលខណ្ឌសែនសុខ។
បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ1111
- ម្សិលមិញ10851
- សប្តាហ៍នេះ67631
- ខែនេះ182781
- ឆ្នាំនេះ182781
- សរុប20625237